Pas dy orëve protestë përpara parlamentit, është mbyllur protesta e sotme e opozitës.
Tashmë opozita do të bëjë tjetër protestë të enjten. Sali Berisha ka konfirmuar se të enjten do të ketë sërish protestë. Pyetjes se a do të vazhdojnë protestat ai tha ‘Pa diskutim’.
Berisha i është bashkuar qytetarëve që janë ngritur në protestë jashtë ambienteve të Kuvendit të Republikës së Shqipërisë. Gjatë fjalës së tij Berisha tha se parlamenti shqiptar u dominua nga fantazma e McGonigal.
“Ju falenderoj për mirënjohjen më të thellë. Ne po mbrojmë një kauzë të drejtë sot parlamenti shqiptar, u dominua nga fantazma e McGonigalit të Edi Ramës, ajo që Rama kishte planifikuar që të shpëtonte vetë dhe disa deputete ishin ndjerë të lënduara se kisha thënë që ai ka bërë orgjira me zyrtarë.
E imagjinoni? Po unë çfarë u thashë? Unë u thashë se është një realitet dhe hetimit do i jepen, por janë terciare, kryesore është lidhja e 2 tradhtarëve, McGonigal dhe Edi Rama”, tha Berisha.
Discussion about this post