Gazetari Xhensil Shkëmbi raporton nga Calais e Francës për dramën e emigrantëve shqiptarë, të cilët nga ky vend tentojnë të futen drejt Mbretërisë së Bashkuar. Në ditën e dytë të raportimit, gazetari tha se të hënën ishte dita e fundit, ku janë nisur gomone me emigrantë nga Calais drejt Britanisë së Madhe.
Dy ditët e fundit nuk janë nisur gomone me emigrantë për shkak të kushteve të motit. Gjatë kësaj periudhe, emigrantët po përdorin një tjetër rrugë për të hyrë në Britani të Madhe. Belgjika është shteti që synohet nga emigrantët, për t’u nisur me gomone drejt Britanisë së Madhe, pasi në këtë shtet kushtet janë më të mira.
Gazetari raportoi se para 3 ditësh është nisur gomonia me 13 emigrantë drejt Doverit, por nuk mundi të mbërrinte në destinacion. Ndërkohë, një rrugë tjetër është edhe ajo me kamionë, ku ‘bileta’ drejt Britanisë kushton 20 mijë paund./ Marrë nga EuroNews
Discussion about this post