Mbyllet seanca në pak minuta, votohet ndëshkimi për deputetët e opozitës

Mes tensionesh dhe tymit të flakadanëve, socialistët kanë votuar në seancën e sotme ndryshimin në rregulloren e Kuvendit, sipas të cilës deputetët e opozitës, të cilët tentojnë të bllokojnë punimet e Kuvendit, do të përjashtohen tashme nga 30 deri në 60 ditë.

Socialistet votuan sot me 74 vota pro, propozimin e Grupit të PS për të amenduar rregulloren e Kuvendit.

Në rregulloren ekzistuese dënimi maksimal ishte 10 ditë, ndërkohë që tashme do të ketë dënime që variojnë nga 30 deri në 60 ditë.

Projektligjet në rendin e ditës u miratuan pa debat e pa asnjë prezantim nga shumica në pushtet.

Ndërkohë, deputetët e opozitës vijuan protestën e tyre, me rënie të tavolinave dhe thirrjet; turp, turp!”.

Në sallë u hodhën edhe tymuese, ashtu si në seancat e kaluara, ndërsa disa deputetë opozitarë nuk u lejuan që të futeshin në Kuvend.