Edhe pse kanë kaluar 4 ditë tashmë, protestat e prindërve dhe nxënësve në fshatin Grizë, bashkia Patos, të qytetit të Fierit, janë ende duke vazhduar.
Ata kanë arritur në përfundim se, nëse kryetarja e bashkisë, Patos Rajmonda, nuk do të gjejë një zgjidhje deri të hënën për hapjen e shkollës, atëherë qytetarët dhe nxënësit do të hyjnë në grevë urie.
“Ne do presim deri të hënën. Do t’i fusim fëmijët në grevë urie dhe do t’i mbyllim brenda në shkollë. Ne thjesht duam të hapet shkolla dhe të riparohet. Deri me datë 27 bëhet mrekulli.”
Kurse një qytetare tjetër, ka shprehur shqetësimin e fëmijëve dhe sesi ata janë duke qëndruar rrugëve pasi nuk mund të shkojnë dot në shkollë.
Gjithashtu ajo shprehet se kryeplaku duhet të ndalojë me kërcënimet shtëpi më shtëpi.
“Presim që të hapet shkolla dhe nxënësit të mësojnë. Të vijnë dhe të marrin vendimin për hapjen e shkollës. Ata nuk kanë bërë asnjë investim deri tani. Ngelët nxënësit rrugës.
Edhe kryeplaku i fshatit mos të kërcënojë nëpër shtëpi, se do të na heqë nga puna. Ne punojmë me krahët tona as me të Rajmondës dhe as me të kryeplakut. Me lekët tona po i japin njerëzve lekë.”
Janë 40 nxënës dhe rreth 20 fëmijë që frekuentojnë këtë godinë e cila prej 1 jave është njoftuar se do të mbyllet, ndërsa banorët hedhin akuza se kjo godinë do t’i jepet privatit.
