Mbyllet votimi në këshillin e PD, zgjidhen sekretari dhe nënkryetarët

Kreu i PD-së Lulzim Basha ka mbledhur sot Këshillin Kombëtar të PD, ku pritet të merren disa vendime të rëndësishme për drejtuesit e forumeve.

Raportohet nga mediat e ndryshme se është mbyllur ndërkohë procesi i votimit për propozimet e bëra nga kryetari i Partisë Demokratike, Lulzim Basha për sekretarin e përgjithshëm dhe nënkryetarë të PD.

Mesohet se janë votuar propozimet e Bashës, duke nisur nga sekretari i përgjithshëm, nënkryetarët etj. Te kjo fletë votimi, këshilltarët dhe anëtarët kanë votuar me po ose jo, propozimet e bëra.

Do ketë një komunikim zyrtar nga PD në lidhje me rezultatet e votimit. Ajo çka do marrë më shumë kohë do jetë zgjedhja e 15 emrave për Kryesinë.

Zyrtarisht është bërë e ditur se ish nënkryetari i PD-së, Enkelejd Alibeaj, i cili e drejtoi këtë forcë politike për më shumë se një vit pasi Basha dha dorëheqjen, do të votëbesohet në Këshillin Kombëtar si sekretar i përgjithshëm në vend të Gazment Bardhit. Ndërsa katër nënkryetarët do të jenë Roland Bejko, Flutura Açka, Kreshnik Collaku dhe Oriola Pampuri.