70 punonjësit e Kompanisë BCONNECT në Durrës kanë protestuar përpara kompanisë për shkak se janë lajmëruar se do të hiqen nga puna vetëm para pak kohësh duke mbetur kështu mes katër rrugëve.
Punonjësit janë njoftuar nga punëdhënësi se dega e Durrësit do të mbyllet dhe se ata duhet të transferohen në Tiranë nëse duan të vazhdojnë punën. Të indinjuar nga kjo situatë që ka vënë në diskutim të ardhurat mujore me të cilët këta punonjës mbajnë familjet e tyre, protestuesit kërkojnë ndërhyrjen e qeverisë për këtë pushim kolektiv nga puna që thyen kontratën e lidhur me punëdhënësin dhe shkel të drejtat e tyre.
Transferimi në Tiranë, sipas tyre, është i papranueshëm pasi kostot e shumta kohore dhe financiare që sjell duhet të mbulohen me të njëjtën pagë që është më e ulët se ajo e operatorëve të Tiranës.
Punonjësit, një pjesë e të cilëve janë edhe familjarë, shprehen se fajtor për gjithë këtë problematikë është pronari italian i cili është pasuruar në kurriz të tyre.
Discussion about this post