Deputeti Tritan Shehu ka reaguar ashpër për vendimin e KLGJ për të mbyllur Gjykatën e Përmetit. Përmes një postimi në Facebook, Shehu e cilëson një akt “inkuizicional” ndaj Përmetit dhe një veprim shumë të rëndë që shkatërron traditat dhe vlerat e kësaj zone. Shehu thekson se ky vendim duhet të pasohet me protesta të fuqishme nga qytetarët dhe të zgjedhurit e tyre lokalë.
“KLGj, kryen nje akt “inkuizicional” ndaj Permetit.
Propozimi i tanishem i ketij organizmi per te mbyllur Gjykaten e Permetit, eshte nje veprim shume i rende ndaj asaj treve e popullate vlerash, kulture e traditash.
Nje veprim ky i paralajmeruar prej kohesh, se bashku me nje sere veprimesh te me pareshme ose qe pritet te ndodhin, ndaj institucioneve te drejtesise se Qarkut te Gjirokastres.
Veprime keto qe jo vetem shkaterrojne nje tradite e vlere, por qe realisht demtojne rende qytetaret ne zgjidhjen e problemeve te tyre.
Duket kjo si nje pasoje direkte negative e vete reformes ne drejtesi!
Qytetaret e te zgjedhurit e tyre lokale duhet te protestojne fuqishem ne ate Qark!”-shprehet Tritan Shehu.
Discussion about this post