Pedagogu Rezart Prifti tha mbrëmjen e sotme në në emisionin Now në Euronews Albania se buxheti për arsimin vidhet dhe asgjë nuk shkon realisht për arsimin.
Ai u shpreh se është kundër mbylljes së universitetit të Korçës, edhe pse siç u shpreh “është fabrikë letrash”.
Sipas Priftit, universiteti i Korçës dhe të gjitha universitet rajonale janë kthyer në fabrika multifunksionale ku studentët marri diploma të të gjitha degëve, por nuk bëhen profesionistë.
“Universiteti i Korçës dhe të tjerat rajonale janë kthyer në fabrika mulifunksionale, si qendra tregtare ku ti futesh dhe i blen të gjitha; nuk mund të hysh në një universitet dhe të dalësh dhe për letërsi, dhe gjeografi, dhe xhenerik, dhe pompist. Gjirokastra ka qenë e njohur për letërsinë, Durrësi për turizmin. Filiali në Sarandë ka ekonomik, por ka edhe anglisht dhe infermieri, se për çfarë i duhen 200 infermierë Sarandës? Ti je port, ke turizëm, të erdhi tani kompania më e madhe e koncesioneve, duan punonjës, nuk ka. Po hanë dynjanë ata”, tha pedagogu.
Pedagogu tha se në 8 vitet e fundit në Korçë janë hedhur 48 milionë euro, por nga këto asgjë s’ka shkuar në universitetin e Korçës.
“Janë hedhur 48 milionë euro. Sa nga këto përveçse janë hedhur në llaç, tulla, mure, beton, dreq e shejtan janë hedhur te universiteti? Zero! Edhe ato që u hodhën janë vjedhur. Të gjitha taksat e shqiptarëve vidhen.
Duhet të krijohet një herë një llogaridhënie për këtë punën e buxhetit të arsimit. Është edhe punë e rajonalizimit, universiteti i Korçës nuk ka qenë siç është i Shkodrës, i Gjirokastrës dhe i Durrësit, janë kthyer në qendër tregtare ku ikën dhe i blen të gjitha”, tha Rezart Prifti.
Discussion about this post