Autori i vrasjes së Dhimitër Statës ka mohuar lidhjen me krimin para togave të zeza ku u njoh me masën e sigurisë.
58- vjeçari Andrea Stasa i cili mbyti babain e tij, është lënë në masën e sigurisë “arrest me burg”. Stasa ka qenë në gjendje të dehur në momentin kur u arrestua nga Policia e Shtetit. Ndërsa deri më sot nuk e pranon vrasjen e të atit.
“Nuk kam bërë vrasje unë, çfarë thoni,”-kështu u shpreh ai para togave të zeza. Po ashtu, shtoi se ditën e krimit kishte pirë raki me të atin, ndërsa më pas kërkoi edhe unazën që mbante në gisht pasi i mungonte. Ndërkohë që në pamje shfaqej i shkujdesur dhe me këmishën e zbërthyer.
Edhe pse ai akuzohen për vrasjen e të atit, Andrea Stase kërkoi drejtësi për vrasjen e 85-vjeçarit, ndaj dhe Gjykata kërkoi që ndaj 58-vjeçarit të bëhet edhe një vlerësim i shëndetit mendor. Ndërkohë që asnjë nga familjarët e autorit të dyshuar nuk ishte i pranishëm në seancë.
Ngjarja
85-vjeçari Dhimitër Stasa u vra më 7 Korrik në fshatin Remas të Divjakës. Ai ishte dhunuar dhe më pas ishte mbytur me duar nga i biri, i cili prej dy muajsh ishte kthyer nga Italia, ku ishte i dënuar me 13 vite burg në Itali për trafikim të qenieve njerëzore dhe trafik droge. Ndaj në fshat njihej dhe me emrin Kujtim, pasi përdorte disa identitete. Viktima Dhimitër Stasa jetonte me dy djemtë e tij beqarë pasi e shoqja i kishte ndërruar jetë vite më parë.
Discussion about this post