Banorët e fshatit Suk 1 të bashkisë së Roskovecit tregojnë se familja e të miturit të zhdukur në lumin Seman tregojnë se si ka ndodhur edhe ngjarja e djeshme. Ata thonë se familja e të miturit ka problem të shumta ekonomike. Sipas tyre, më i rëndë është për familjen, pasi 12 vite më parë u ka vdekur një djalë, i cili po ashtu është mbytur.
“Humbi një djalë 14-vjeç, është lajmëruar dje pasdite policia, është fëmija i dytë i kësaj familje që është mbytur, para 12 vitesh. Një familje me shumë probleme, është një dramë, dhimbje shumë e madhe për atë nënë. Ishin 9 fëmijë. Policia ka qenë e pranishme. Edhe sot kanë ardhur që me natë për të ndërhyrë. Deri në këto momente, asgjë, janë gjetur edhe shapakt dhe rrobat. Edhe fëmija tjetër kështu është mbytur. Edhe vëllai që ka humbur jetën ishte më i vogël. U ka vdekur edhe babai. Ai ishte më i sakti në atë familje. Vinte vazhdimisht. Mos iu bëftë risk asnjërit. Edhe atë vetë e gjetën”- shprehen banorët e zonës.
Kujtojmë se 14-vjeçari kishte shkuar për të peshkuar në lumin Seman, ku dyshohet se është futur për t’u larë dhe nuk ka dalë më. Kërkimet për gjetjen e tij nisën që ditën e djeshme ndërsa nuk ka ende asnjë gjurmë.
Discussion about this post