Mbytja e dy vëllezërve të mitur në liqenin e Prushit, policia nxjerr të tjera detaje

Policia ka dhënë detajet e tjera në lidhje me ngjarjen tragjike që ndodhi pasditen e sotme ku dy të mitur u mbytën në liqenin e Prushit në Tiranë.

Policia njofton se si rezultat i kërkimeve të kryera nga Polumbarët e RENEA-s u bë e mundur gjetja e trupave të pajetë vëllezërit Mateo Taku 14-vjeç dhe Klevis Taku, 10 vjeç. Ndërsa grupi hetimor po punon për sqarimin e rrethanave të ngjarjes.

Kujtojmë se në liqen kanë rrezikuar të mbyteshin edhe dy fëmijë të tjerë, por kanë qenë banorët e zonës ata që kanë shkuar menjëherë, duke i shpëtuar.

Fëmijët kapeshin pas një litari në pemë dhe zhyteshin në liqen, ku dy janë shpëtuar nga banorët, ndërsa dy vëllezërit kanë humbur tragjikisht jetën.