Nuk ka të mbaruar skandali i rëndë me protagonist Charles McGonigal, ish-agjentin e FBI-së, të akuzuar zyrtarisht për pjesëmarrjen në një aferë korruptive me kryeministrin shqiptar, Edi Rama.
Këtë herë është gazeta Business Insider sërish, që shkruan se autoritetet britanike kanë survejuar një takim sekret të shefit të spiunazhit të FBI-së, Charles McGonigal në vitin 2018 me një kontakt rus.
“Në vitin 2018, Charles McGonigal, ish-shefi i spiunazhit të FBI-së në Nju Jork, udhëtoi për në Londër ku u takua e një kontakt rus, i cili ishte nën vëzhgim nga autoritetet britanike, thanë dy burime të inteligjencës amerikane. Britanikët u alarmuan mjaftueshëm nga takimi për të njoftuar atasheun ligjor të FBI-së, i cili ishte stacionuar në ambasadën e SHBA.
FBI më pas e përdori takimin e fshehtë si pjesë të bazës së tyre për të hapur një hetim ndaj McGonigal, tha një nga dy burimet. Të dy burimet, të dy ish-zyrtarë në komunitetin e inteligjencës amerikane, nuk specifikuan identitetin e rusit me të cilin u takua McGonigal,” theksohet në shkrim.
Discussion about this post