“McGonigal”, Escobar mesazh Ramës? “SHBA s’ka raporte me individë”

I dërguari i DASH, Gabriel Escobar ka dhënë sinjale se raportet e SHBA me Ramën janë ftohur pas aferës “McGonigal”.

Në një intervistë ai u pyet për një gjë të tillë dhe ndryshe nga një deklaratë e mëparshme kur u shpreh se rasti nuk ka dëmtuar raportet, zyrtari i DASH sot spostoi Ramën. Ai tha se SHBA i ka raportet me shqiptarët dhe jo me individët, duke ja bërë të qartë Ramës dhe kujtdo tjetër se ata janë të zëvendësueshëm.

“Do të them dy gjëra. Një, unë nuk mund të flas për një çështje të hapur penale. Gjëja e dytë siç e përmenda më parë, marrëdhënia mes Shteteve të Bashkuara dhe Shqipërisë është me popullin e Shqipërisë, me institucionet, jo me një parti dhe jo me një individ. Thënë kështu, do të thoja se marrëdhënia jonë me Shqipërinë është më e mira që kemi pasur ndonjëherë”, tha ai.

Ftohja u pa që në takimin që Escobar pati me Ramën. Ai i shkoi në zyrë për më pak se 20 minuta, ndërsa gjithë takimet e tjera me Begajn, Alibeajn apo Metën zgjatën mbi 40 minuta.