Në konferencën që po zhvillon me mediat, ministrja Ibrahimaj u pyet nga gazetarët rreth deklaratës së saj të mëparshme kur tha se me 140 eruo në muaj në Shqipëri nuk quhesh i varfër. E kapur keq nga kjo pyete, Ibrahimaj tha se jemi në kohë krizë dhe ka folur me statistikat e INSTAT. Ndërsa për të tejkaluar këtë temë, ajo tha se qeveria po përpiqet që produktet e shportës të mos rriten.
“Sot jemi për të folur për krizën, deklarata është pyetje që mu bë ishte për një tregues statistikor. Është tregues që prodhues që tregohet për qëllime statistikore, mund të flasim shumë gjatë për të por nuk më duket sot momenti për mënyrën si INSTAT kalkulon shifrat. Sot është momenti për të folur për të gjithë që produktet e shportës të mos rriten”, u shpreh ajo.
Ndërkohë gazetarët i kanë thënë se shumë fakte tregojnë që kompanitë monopol abuzojnë dhe janë ato që fitojnë në këtë kohë krize. Por, si për t’i mbuluar Ibrahimaj tha se disa kompani kanë pranuar që të mos kenë fare fitime. “Të gjithë kompanitë kanë garantuar për të pasur marxhe fitimi mimale, madje disa kanë kërkuar mos të kenë fitim, por vetëm fitim kostosh. Kemi parë sa janë rritur çmimet për produktet ushqimore”, tha ajo, ndërsa u shpreh se në vijim do japin informacionet për vendimet e tjera që do të marrë Bordi.
Discussion about this post