Presidenti i Nderit i skuadrës së Kukësit ka vizituar sot punimet në stadiumin “Zeqir Ymeri” dhe u ka vendosur ultimatum punëtorëve që deri më 15 tetor të jetë mbaruar.
Në një video të bërë publike nga klubi i Verilindorëve dëgjohet Gjici teksa thotë se më 15 tetor stadiumi i tyre do të vizitohet nga Presidenti i Federatës Shqiptare të Futbollit Armand Duka dhe deri në atë datë çdo gjë duhet të jetë gati për t’u inauguruar.
Madje ai ka arritur deri atje sa u ka vendosur ultimatum punëtorëve që të punojnë pa pushim deri në orën 10 të darkës vetëm që të mbyllen punimet.
Stadiumi i Kukësit pritet të jetë gati në datën 15 tetor, të paktën siç deklaron Safet Gjici për kanalin zyrtar të klubit. Presidenti i nderit i verilindorëve ka bërë një inspektim të punimeve në impiantin “Zeqir Ymeri” që është drejt përfundimit të punimeve.
“Punoni pa pushim, punoni deri në darkë, në orën 10. Kam folur me Dukën dhe më ka thënë që në 15 tetor do të vijë për ta inauguruar”, -u ka thënë Gjici.
Rikujtojmë se skuadra e Kukësit ka rreth tre sezone pa shtëpi dhe të gjitha ndeshjet janë luajtur larg qytetit të tyre./K.T/Gijotina.com
