Një sasi e madhe droge që ishte importuar në Greqi brenda një makine u zbulua nga efektivët e Policisë së Prokurorisë së Krimeve Ndërkufitare të Krystallopigjisë dhe Sigurimit të Kozanit në kuadër të një operacioni të koordinuar të zhvilluar në orët e para të mëngjesit në zonat e Kozanit dhe Follorinës.
Pas përdorimit të informacionit, policia ka kryer një kontroll të befasishëm në banesën e një 36-vjeçari grek në qytetin e Kozanit, ku janë gjetur dhe konfiskuar 27 pako me kanabis të papërpunuar me peshë totale 26 kilogramë e 184 gram.
Gjatë hetimeve u konstatua se droga ishte importuar në vend mëngjesin e së hënës nga një makinë nga dy shqiptarë të moshës 32 dhe 37 vjeç, dhe më pas i kanë transportuar nga zona e Follorinës në banesën e 36-vjeçarit grek, ku i kanë ruajtur me qëllim transportin e tyre.
Makina me drejtues dhe pasagjer dy shqiptarët u lokalizua nga policia në një zonë tjetër të Follorinës dhe gjatë hetimeve u konstatua se brenda saj kishte bombola të bëra posaçërisht, në të cilat kishin vendosur sasinë e drogës.
Automjeti u sekuestrua së bashku me 3000 euro para cash dhe tre celularë, ndërsa autorët u dërguan në Prokurorinë Penale të Kozanit, me dosjen e ngritur ndaj tyre për import, fshehje dhe trafik droge në vend.
Discussion about this post