Memorandumi i parë i Mirëkuptimit mes Kosovës dhe Izraelit do të nënshkruhet të hënën, ka lajmëruar Qendra Përkujtimore Botërore e Holokaustit, Yad Vashem. Përmes një lajmërimi shpjegohet se një memorandum i tillë do të nënshkruhet në kuadër të kësaj qendre dhe Ministrisë së Arsimit të Kosovës.
“Më 9 maj, zv/kyeministrja e Kosovës Donika Gërvalla do të vizitojë Yad Vashem, Qendrën Përkujtimore Botërore të Holokaustit. Gjatë vizitës së saj, ministrja do të nënshkruajë memorandumin e parë të mirëkuptimit kështu duke hapur zyrtarisht marrëdhëniet formale mes Shkollës Ndërkombëtare për Studime të Holokaustit, Yad Vashemm dhe Ministrisë së Arsimit, Shkencës, Teknologjisë dhe Inovacionit në Kosovë”, shkruhet në deklaratë.
“Kosova, një vend me shumicë myslimane në Ballkan, do të shënojë fillimin e arsimimit rreth holokaustit për mësimdhënësit në seminare trajnuese. Yad Vashem ka rrjete ndërkombëtare të shkollave dhe shërbimeve arsimore në gjashtë kontinente”, shkruhet në njoftim.
Ndërkohë ministrja e Punëve të Jashtme, Donika Gërvalla është duke qendruarnë Izrael dhe disa foto nga vizita e Gërvallës në Tel Aviv i ka publikuar biznesmeni izraelit, Roy Roznek, anëtar i presidencës së Dhomës së Tregtisë atje.
“Vizita e parë e Ministres së Punëve të Jashtme të Kosovës znj, Gervalla Schwarz në Izrael”, shkroi Roznek. Ai tregoi për një takim me drejtuesit e dhomave të tregtisë në Tel Aviv.
Discussion about this post