Me ardhjen e verës janë rritur dhe rastet që kërkojnë shërbim në toksikolgjinë e QSUT-s Rastet më të shumta janë ato nga përdorimi i alkoolit, lëndëve narkotike dhe helmimet nga ushqimet. Shefi i Toksikologjisë, Andrin Tahiri thotë se po vihet re gjithashtu një ulje e moshës së përdorimit të marijuanës tek të rinjtë.
“Marijuana është më e lirë dhe është te moshat e reja. Problematika është se po ulet mosha e përdorimit të marijuanës. Kemi pasur raste të izoluara te klasat e nënta. Kjo periudhë na rrit fluksin e urgjencave, janë helmimet biologjike, helmimet ushqimore që ndodhin si pasojë e kontaminimit të ushqimeve apo të ujit nga agjentë patogjenë”.
Problem mbetet rastet e kafshimit nga gjarpri dhe nga merimanga e zezë, ku disa pacientëve u është rrezikuar edhe jeta pasi nuk janë paraqitur brenda 30 minutave në qendrën me të afërt për ndihmë mjekësore.
“Brenda 30-40 minutave të para do të fillojnë shfaqjet klinike me një inflamacion, edemë e dhimbshme dhe brenda orës së parë të kërkojë asistencë brenda qendrës shëndetësore”.
Shefi i Toksikologjisë hedh poshtë metodat popullore që bëhen nga qytetarët pasi kafshohen nga gjarpri apo insektet e rrezikshme.
Discussion about this post