Policia e Tiranës ka arrestuar dy persona në zonën e Ali Demit, pas informacioneve të siguruara nga inteligjenca policore, duke finalizuar operacionin e koduar “Check Point”.
Shërbimet e Komisariatit numër 1 ndaluan një automjet ku qarkullonin dy persona, me drejtues shtetasin K. K. dhe pasagjer shtetasin J. K..
Gjatë kontrollit fizik shtetasit K. K., iu gjetën një armë zjarri tip pistoletë, municion luftarak, një sasi lënde narkotike.
Në përfundim të veprimeve procedurale, u arrestuan në flagrancë shtetasit:
K.K., 38 vjeç, banues në Tiranë, për veprat penale “Prodhimi dhe mbajtja pa leje e armëve, armëve shpërthyese dhe municionit” dhe “Prodhimi dhe shitja e narkotikëve”;
J.K., 34 vjeç, banues në Tiranë, për veprën penale “Moskallëzimi i krimit”.
Policia sekuestroi armën e zjarrit, municionin luftarak, 304 gram lëndë narkotike kokainë, rreth 131 tableta ekstazi, 3 peshore elektronike, si dhe automjetin.
Discussion about this post