Një algjerian me emrin Hamza Marina është kthyer në makthin e qytetarëve në kryeqytet, ndërsa Policia e Shtetit ende nuk ka marrë asnjë masë. Në disa video, të shpërndara prej vetë tij në Instagram, i riu nga Algjeria qëndron i armatosur në rrugët e Tiranës. Ai shihet teksa reklamon konsumimin e lëndëve narkotike dhe çdo ditë poston foto e video të personave që takon apo që grabit.
Një video shokuese e publikuar nga JOQ, tregon sesi Hamza Marina hyn për të vjedhur në një banesë në Tiranë dhe nis kontrollin për të vjedhur. Fillimisht ai hap çantën dhe më pas nis kontrollet në të gjitha bufetë e dollapet në shtëpi.
Algjeriani është i njëjti person që pak ditë më parë është regjistruar duke ngacmuar qytetarët në rrugë dhe kryesisht gratë, të cilave iu afrohej duke iu folur apo duke bërë veprime të tjera të çuditshme.
Ende nuk është marrë asnjë masë për personin në fjalë. Policia e Shtetit ka mbyllur sytë përballë këtij individi që rrezikon çdo ditën jetën e qytetarëve, ndërsa nuk ngurron të bëjë edhe foto me efektivët e Policisë së Shtetit, kur i takon në punën e tij të përditshme në Shqipëri që është grabitja e qytetarëve të thjeshtë dhe kanosja e tyre me armë dhe hashash.
