Policia e Lezhës ka dalë me një deklaratë zyrtare në lidhje me videon e publikuar një ditë më parë ku shihen tre persona të armatosur me maska që futen në ambientet e një lokali, ku pasi panë kartat e ID të të rinjve që ishin aty, u larguan.
Sipas policisë, tre personat e armatosur kanë shkuar pasi kanë pasur konflikt me pronarin e lokalit, i cili nuk ka qenë prezent në momentin e ngjarjes.
Mësohet se, ngjarja nuk është raportuar në polici dhe nga verifikimet ka rezultuar se nuk ka pasur vjedhje, as persona të dëmtuar. Policia ka shpallur në kërkim pronarin e lokalit dhe tre të rinjtë që ishin në lokal, për veprën penale “Moskallëzim i krimit “, kryer në bashkëpunim.
Uniformat blu njoftojnë se po vijon puna për dokumentimin e plotë të ngjarjes, identifikimin dhe kapjen e personave të përfshirë.
Discussion about this post