Me armë poshtë sediljes së makinës, arrestohet i riu në Tiranë

Policia e Tiranës ka arrestuar një të ri, i cili qarkullonte me armë zjarri pistoletë me vete. Në kuadër të operacionit të koduar “Confirmation” është vënë në pranga shtetasi Ergi Bahiti, 22 vjeç, banues në Tiranë.

“Gjatë ndërhyrjes, në rrugën “Ilia Papanikolla”, Kombinat, shërbimet e Policisë lokalizuan dhe ndaluan automjetin që drejtohej nga 22-vjeçari, dhe gjatë kontrollit në sediljen e tij u gjet një armë zjarri pistoletë, e cila u sekuestrua në cilësinë e provës materiale, së bashku me automjetin.” – thuhet në njoftimin e Policisë.