Me armën në brez tenton të arratiset, arrestohet 36- vjeçari në Tiranë

Policia e Tiranës ka vënë në pranga një 36- vjeçar, pasi është kapur duke qarkulluar me armë zjarri me vete.

Policia jep detaje, se arrestimi i të riut me iniciale Sh. M, 36 vjeç, banues në Tiranë, është bërë te “Kodra e Diellit”, i cili ka tentuar edhe të largohet.

Gjatë kontrollit të çantës së dorës, shërbimet e Policisë kanë gjetur dhe sekuestruar edhe armën e zjarrit tip pistoletë dhe dy krehër me fishekë luftarak.

Në përfundim të veprimeve, nga specialistët për Hetimin e Krimit në Komisariatit të Policisë Nr.2 u bë arrestimi në flagrancë Sh. M, 36 vjeç, për veprën penale “Armëmbajtja pa leje”.