Gazetari Flamur Vezaj ka publikuar në rrjetet sociale një foto ku shfaqet ish-ministri i Brendshëm, Saimir Tahiri, gjatë kohës që vuante dënimin në burgun e Kosovës në Lushnje, ndërsa në krah të tij janë Kelmend Balili dhe Safet Bajri.
Vezaj në komentin që shoqëron foton shkruan “shoqëria e burgut dhe jo vetëm”. Në vijim gazetari shprehet se kjo foto tregon shumë, sidomos për pushtetin e kapur me bandat.
Publikimi i fotos vjen në një kohë kur disa prej zyrtarëve aktualë të Qeverisë Rama po shfaqen në dyert e SPAK, disa lidhur me koncensionet që kanë firmosur, dhe të tjerë për aferën e inceneratorëve.
Gjithsesi Tahiri, i konsideruar nga Edi Rama si “ministri kampion” ishte i pari ndër bashkëpunëtorët e Kryeministrit që u dënua për shpërdorim detyre, ndërsa u hetua nga ish-Prokuroria e Krimeve të Rënda dhe më pas nga SPAK.
Fillimisht Tahiri u morr në mbrojtje nga Rama dhe mazhoranca që ai drejton, por më pas ai iu nënshtrua një gjykimi dhe më pas dënimit, që pavarësisht kundërshtive nga ish-ministri, duket se e nxorri përfundimisht nga politika.
Pas Tahirit, rradha ishte e një tjetër ish-ministri, Lefter Kokës, që pret vendimin e GJKKO lidhur me aferën e inceneratorëve, por edhe e Vangjush Dakos, Safet Gjicit, Alqi Bllakos, e të tjerë kryebashkiakë e ish-deputetë, që të gjithë pjesë e grupit të PS-së apo bashkëpunëtorë të Kryeministrit, miq e personazhe që shfaqeshin si njerëzit me “duart e pastra”.
Sot janë të tjerë emra që po hetohen, disa për lidhje me krimin, sikundër paralajmërohet pas çkodimit të aplikacionit SKY nga shërbimet e vendeve partnere dhe të tjerë për abuzime me detyrën, korrupsion, pastrim parash apo fshehje pasurie.
Postimi nga Flamur Vezaj
❌Shoqnia e burgut dhe jo vetem❌
Kjo foto tregon shume! Sidomos per pushtetin e kapur me bandat!
Sic e shikoni, kjo foto eshte bere brenda nje qelie ne burgun e Kosoves ne Lushnje pak muaj me pare!
Ne krah te majte me syza, besoj e njihni “kampioni” i luftes kunder krimit ish-ministri Saimir Tahiri! Perballe tij me bluze te bardhe, eshte “eskobari” i Ballkanit Kelmend Balili! Ne kohen kur Tahiri drejtonte ministrine jane bere dhjetra operacione per kapjen e tij por pa Suksese!!
Ndoshta kjo miqesi ka pas efektin e saj! Nderkohe pas Balilit eshte drejtuesi i “bandes” se Bajrave te Shkodres, Safet Bajri! Perballe tij nuk e njoh ate “kapon” tjeter!
Sic duket ne foto, po festojne dicka me vere e ushqime brenda qelise!! Ne burg eshte e ndaluar vera por nga fotoja duket se jane te pashqetesuar per kete fakt dhe dihet tashme qe nepermjet shisheve te koles futej vera ne burgje! E per ta kuptuar se sa serioze ka qene qeveria Rama per luften ndaj krimit, kjo foto tregon shume!
Discussion about this post