Deputeti i Partisë Demokratike, Edi Paloka ka komentuar pyetjet që qarkullojnë në sondazhe dhe emisione pas shpalljes “non grata” nga Amerika të ish-kryeministrit, Sali Berisha dhe familjes së tij.
Në postimin e tij në rrjetin e tij social “Facebook”, Paloka shkruan se kjo pyetje nuk i duhet bërë demokratëve, ndërsa nuk nguron që ta cilësojë si të shëmtuar.
“Shoh që së fundmi është hedhur e qarkullon një pyetje nëpër rrjetet sociale, herë në formë sondazhi e herë si ftesë për debat : Me kë jeni, me Sali Berishën apo me SHBA? Mos ju bëni demokratëve pyetje të tilla se janë të shëmtuara…! Lërjani Ramës dhe lëtyrësave të tij këto diversione,”- shkruan Paloka.
Pas marrjes së vendimit nga Basha për largimin e ish-liderit të PD, Paloka është parë në krah të Berishës, duke ndjekur të gjitha lëvizjet e ish-kryeministrit, si në Kuvend apo edhe aktivitetin “Foltore me demokratët”.
