Kryetari i partisë së Lirisë, Ilir Meta, ka zbuluar detaje nga takimi me ambasadoren e Shteteve të Bashkuara të Amerikës, Yuri Kim një ditë më parë.
Meta theksoi se marrëdhëniet e tij me SHBA-të kishin qenë gjithmonë të shkëlqyera, ndërsa zbuloi se gjatë takimit me Kim i kishte folur kësaj të fundit edhe sa i takon shpalljes non-grata të Sali Berishës, duke i thënë se kjo ishte vepër e kryeministrit, Edi Rama dhe ish kryedemokratit, Lulzim Basha. I pyetur kë do të zgjidhte mes të Berishes dhe Yuri Kim, Meta tha se PL ka programin e saj të pavarur.
Pyetja: A ndodheni përballë dy zgjedhjeve, mes SHBA dhe Berishës? Cili ka qenë mesazhi i Kim?
Meta: Unë s’mund të flas se cilat ishin mesazhet e ambasadores, ata flasin vetë kur kanë diçka për të thënë. Unë mund t’iu them juve se çfarë i thashë ambasadores për këtë çështje. Unë thashë mendimin tim që kam për çështjen e shpalljes “non grata” të Berishës. I shpreha dhe bindjen time se kjo është vepër e Bashës dhe Ramës. I thashë që të thotë në Uashington, që të paktën unë personalisht e vlerësoj efektin pozitiv të këtij vendimi që as nuk kam qenë as nuk jam dakord. Pa një vendim të tillë do të kishim Lulzim Bashën kryetar të PD. Kjo nuk është më një sekret. Ne nuk bëjmë zgjedhje mes zotit Berisha dhe Amerikës. Ne kemi programin tonë i cili është i pavarur. Ne respektojmë vendimet që marrin anëtarët e PD apo të çdo partie tjetër.
Discussion about this post