Ish-presidenti Bamir Topi, gjatë një interviste për mediat u ndal edhe te marrëdhënia me ish-kryeministrin Sali Berisha.
Topi zbuloi se marrëdhënia e tyre tanimë është inekzistente, duke shtuar se rrugët u ndanë që më 21 janar të vitit 2011.
“Edhe marrëdhëniet zyrtare kanë qenë të kontrolluara, për shkak të përplasjes së fortë”, tha ai, duke u shprehur se asnjëherë nuk e kishte menduar që në politikë për shkak të një ngjarje gjërat mund të ndaheshin në atë mënyrë. Bamiri tha se data 21 janar nuk ka një protagonist por disa, “Ishin ata që e ideuan, ata që e organizuan, ata që reaguan, dhe paradoksi më i madh ishte se ata që nuk ishin farë pjesë e këtyre grupeve u sulmuan”, tha ai, teksa shtoi se “Sado që është politikë, disa gjëra thyhen për mos t’u ngjitur më” – tha Topi.
Më tej ai u ndal edhe tek raporti Basha-Berisha, duke e konsideruar kreun e PD-së një produkt të Berishës.
“Basha duket se po ruan vulën dhe një vendim e gjykate, por partia nuk është një vendim gjykate. Gabimi i Bashës është se nuk doli që në momentin e parë, dhe në këtë mënyrë hap pas hapi e dizenjoi fundin e vet politik” – u shpreh Topi.
Ish-presidenti tha se kuvendi që do të mblidhet më datë 11 dhjetor nuk do të jetë për të përjashtuar Bashën, por për të ristrukturuar rregullat statutore. “Bëhet pjesa që nuk do të prek individualisht Bashën e më pas do të futet në proces” – tha ai duke shtuar se Basha është në një distancë të madhe nga Berisha.
Discussion about this post