Ish-kryeministri Sali Berisha është pyetur nga gazetarët për fondet me të cilat po bëhet rikonstruksioni i selisë së PD dhe nëse grupi i rithemelimit ka marrë në dorë financat.
Para gazetarëve, Berisha tha se nuk ka asnjë dijeni, por se do kërkojë të bëhet transparencë. Kuriozitet pati dhe për zyrën në të cilën do të qëndrojë ish-kryeministrit, i cili konfirmoi se së shpejti do të ketë një zyrë në seli.
“Nuk kam asnjë dijeni, por absolutisht do kërkoj që të bëhet transparenca. Nuk e di nëse janë me financat e partisë, sepse është një parti që mbahet nga shteti. Do jetë një zyrë mes këtyre zyrash. Nuk ka zyrë kryetari tani, s’ka zyrë”, deklaroi Berisha.
Berisha gjithashtu komentoi edhe mungesën e Bashës në mbledhjen e grupit parlamentar, ku tha se duhet pyetur ai për mungesën, por sipas tij ai është pjesë e grupit të PD dhe nuk do të përjashtohet.
Discussion about this post