Me ndihmën e Alibeajt, Partia Socialiste fiton Bashkinë Këlcyrë

Edhe pse me diferencë të ngushtë, Partia Socialiste ka fituar bashkinë Këlcyrë.

Sapo ka përfunduar numërimi i të gjitha kutive të votimit në Bashkinë Këlcyrë, ku kandidati Klement Ndoni i Partisë Socialiste ka marrë zyrtarisht kreun e bashkisë.

Klement Ndoni ka marrë 49.33% të votave me 2018, pasuar nga kandidati Arjan Kasaj me 47.32% prej 1936.

Më pak vota ka marrë kandidati i Partisë Demokratike, Adriatik Spahiu me 137 vota.

Nga ana tjetër votat demokrate kanë qenë shumicë por të ndara në dy kampe ku Arjan Kasaj i koalicionit “Bashkë Fitojmë” ka marrë 47.32% të votave ndërsa Adriatik Spahiu i PD zyrtare, ka marrë 3.35% të votave.