Policia e Korçës ka vënë në pranga 3 të rinj, të cilët akuzohen për vepra të ndryshme penale.
Bëhet fjalë për të arrestuarin e identifikuar me iniciale K. N., 33 vjeç, banues në Pogradec, pasi në lagjen nr. 1, Pogradec, gjatë kontrollit fizik të ushtruar ndaj tij iu gjet dhe sekuestrua në cilësinë e provës materiale një sasi e vogël me lëndë të dyshuar narkotike Cannabis Sativa, të cilën po tentonte që t’a shiste.
Po ashtu policia ka vënë në pranga edhe personin e identifikuar me iniciale L. L., 31 vjeç, banues në fshatin Bishnicë, Pogradec, pasi në aksin rrugor Pogradec-Qafë Thanë, ky shtetas u kap duke drejtuar në gjendje të dehur, mjetin tip “Fiat”.
Policia jep detaje se ka arrestuar edhe veprën penale “Marrëdhënie seksuale me të mitur” . Bëhet fjalë për personin e identifikuar me iniciale R. K., 26 vjeç, banues në Korçë, pasi dyshohet se ky ka kryer marrëdhënie seksuale me një 14-vjeçare.
Në njoftimin për shtyp theksohet gjithashtu edhe një rast vetvrasje. Më datë 28.09.2021, në lagjen nr. 4, Pogradec, është vetëhedhur nga kati i tretë, i banesës ku banonte i vetëm, N. K., 74 vjeç, i cili për pasojë ka gjetur vdekjen. Materialet i kaluan Prokurorive të Rretheve Gjyqësore Korçë e Pogradec për veprime të mëtejshme
