Me drogë gati për shitje në “Audi”, 20- vjeçari kapet “mat” nga policia në Lezhë

Forcat e Posaçme “Shqiponja” kanë vënë në pranga një trafikant droge në Lezhë.

Burime nga policia për gijotina.com bëjnë me dije se bëhet fjalë për të arrestuarin e identifikuar me iniciale K. G., i cili është kapur duke udhëtuar me mjetin tip “Audi”, ku fshihte doza me lëndë të dyshuar narkotike cannabis sativa, gati për shitje, të cilat u sekuestruan në cilësinë e provës materiale, së bashku me automjetin.  

Po ashtu në pranga ka rënë edhe personi i identifikuar me iniciale S. P., 37 vjeç, pasi ka ushtruar dhunë fizike ndaj bashkëshortes së tij.

Materialet i kaluan Prokurorisë pranë Gjykatës së Shkallës së Parë Lezhë, për veprat penale  “Prodhimi dhe shitja e narkotikëve” dhe “Dhuna në familje”.