Policia rrugore është vendosur pasditen e djeshme në aksin Tiranë-Elbasan me automjete të paloguara duke kontrolluar automjetet për shkelje të rregullave të qarkullimit rrugor.
Kontrollet e shpeshta kanë sjellë ndërgjegjësim të drejtuesve të automjeteve dhe në më shumë se 4 orë kontrolle janë konstatuar vetëm katër drejtues mjetesh me shpejtësi nga 135km/h deri në 151 km/h.
Njoftimi i policisë:
“Në rrugën interurbane Tiranë-Elbasan dhe , në Sauk-Teg, për evidentimin dhe ndëshkimin e shkelësve të Kodit Rrugor, me qëllim parandalimin e aksidenteve rrugore. Monitorimi i pandërprerë me Radar dhe kontrolle të shtura me patrulla të lëvizshme duke përdorur mjete të paloguara, dronë, kamera e aparatë fotografikë, po sjell përditë e më shumë sensibilizim e ndërgjegjësim të drejtuesve të automjeteve për zbatim të rregullave të qarkullimit rrugor. Prej orës 19:00 deri në orën 23:55, janë evidentuar vetëm 4 drejtues mjetesh të cilët qarkullonin me shpejtësi duke filluar nga 135km/h deri në 151 km/h, të cilët janë ndëshkuar me pezullim të Lejes së Drejtimit nga 2 deri në 6 muaj dhe me masë administrative nga 10.000 deri në 20.000 lekë të rinj. Policia Rrugore e Tiranës falenderon të gjithë ata drejtues mjetesh dhe këmbësorë që respektojnë rregullat e qarkullimit rrugor dhe apelon për më shumë ndërgjegjësim dhe kontribut të përbashkët për rritjen e parametrave të sigurisë rrugore, duke denoncuar në Komisariatin Dixhital dhe në numrin pa pagesë 112 cdo rast të shkeljes së rregullave të qarkullimit rrugor”
