Policia e Shtetit njoftoi sot arrestimin e 3 personave, ndërsa shpalli në kërkim një të katërt, të cilët dyshohet se janë përfshirë në një skemë mashtrimi, ku zhvasnin biznesmenë.
Sipas raportimeve, grupi drejtohej nga Florian Gjergji.
Ata kanë tentuar të mashtrojnë një sipërmarrës në fushën imobilare, duke i dërguar mesazh në aplikacionin e komunikimi online: “Si je! Jam kryetari i bashkisë së Vlorës, me duhen 35”.
Mësohet se biznesmeni, pas marrjes së mesazhit, ka njoftuar Policinë e Tiranës, e cila arrestoi në flagrancë 3 personat që u paraqitën të merrnin paratë.
Në pranga kanë rënë 34-vjeçari Afrim Radici, 41-vjeçari Gezim Çelanji dhe 22-vjeçari Qazim Vata.
Policia shpalli në kërkim 40-vjeçarin Florian Gjergji, i dyshuar si organizator i kësaj skeme mashtrimi.
“Këta shtetas kanë tentuar të mashtrojnë një shtetas (biznesmen), për të përfituar shumën 35 000 euro, duke u prezantuar si zyrtarë të lartë të institucioneve, me emra të ndryshëm”, raportoi policia.
Discussion about this post