Një ‘figurë drejtuese’ në një bandë të krimit të organizuar është dënuar me tetë vjet burg pasi u kap duke drejtuar ferma kanabisi në të gjithë brezin qendror të Skocisë.
Oficerët, si nga Agjencia Kombëtare e Krimit ashtu edhe nga Policia e Skocisë, evidentuan 52-vjeçarin shqiptar Ilir Kasa duke vizituar dy prona në Glasgow dhe Harthill në prill 2022.
Ata bastisën adresën e Glasgout, një ish-bankë në rrugën Great Western Road të qytetit dhe zbuluan një grumbullim masiv të më shumë se 350 bimëve kanabis dhe sistemeve moderne për mbjellje, rritje dhe ujitje.
Një strukturë e ngjashme në stilin e fabrikës u gjet në vendndodhjen e dytë në West Main Street, Harthill, që përmbante 150 bimë të tjera.
Mediat skoceze shkruajnë se ekspertët vlerësuan se sasia e kanabisit kapte vlerën e 300 mijë paundëve ose stërlinave.
Kasa u largua nga Britania e Madhe pas bastisjeve të përbashkëta, por më vonë u kthye në Skoci disa muaj më vonë. Kasa u arrestua në korrik të 2022 dhe ndaj tij nisi procesi gjyqësor.
Discussion about this post