Presidenti Ilir Meta ka zgjedhur që Ditën e Rinisë ta nisë duke vrapuar pranë Liqenit Artificial në Tiranë. Më dy gishtat lart Meta uroi rininë për festën e sotme.
“Gëzuar 8 Dhjetorin. Ditën e Rinisë. Lavdi Rinisë studentore”, u shpreh Meta.
Sot, shënohen 31 vjet nga ngjarjet e dhjetorit 1990, që shënjuan për herë të parë tronditjen e regjimit komunist. Natën e 8 dhjetorit 1990, rreth 300 studentë nisën atë që më vonë u quajt “Lëvizja Studentore ‘90”.
Të organizuar ata marshuan nga “Qyteti Studenti” drejt qendrës së Tiranës. Ata u bënë iniciatorë e kthesës së madhe historike të vendit, duke u ngritur në protesta që sollën rënien e sistemit komunist dhe ardhjen e demokracisë.
Discussion about this post