“Më e votuara në PD doli Fatbardha Kadiu”, ironizon Spahiu: Pyeta dhjetëra miq, s’e njihte njeri

Pas zgjedhjes së 20 anëtarëve të Kryesisë së Partisë Demokratike, vjen dhe reagimi i Kreshnik Spahiut.

Në një reagim në Facebook, ai shprehet i habitur sesi Fatbardha Kadiu ishte një nga kandidatet më të votuara dhe kishte arritur të merrte 148 vota. Sipas Spahiut, fakti që Fatbardha Kadiu ka marrë 148 vota do të thotë që opozita ka shkuar për skrap.
“Sipas lajmeve zyrtare: Njeriu më i votuar ne Partinë Demokratike doli FATBARDHA KADIU.

Kur e lexova shkarazi mu duk si Fatbardh Kadilli por isha gabuar. Pyeta dhjetra miq por nuk e njeh askush se cila është kjo grua. Unë kam 30 vjet studioj politik dhe nuk e njoh këtë politikanen e shquar dhe shumë popullore që është votuar masivisht nga foltorja, prandaj mendoj që:
– Ose emri është shkruar gabim
– Ose kjo opozitë ka shkuar për skrap”, shkruan ai.