Ndërkohë që në Kuvend po zhvillohej përplasja e ministres Elisa Spiropali me kreun e PD-së, Sali Berisha, ku ky e fundit e etiketoi me fjalën fyese “Spirobuç”, anëtari i Kryesisë së PD-së, Arben Ristani live nga emisioni “Frontline” tha se opozita është me “fat që ka një burrë të tillë”.
Ristani theksoi se PD është me fat që ka një njeri të tillë të palodhshëm për t’u përballur me regjimin.
“Jemi me fat që kemi një njeri të tillë që nuk lodhet. Atë bandë do të duhet që të gjithë sëbashku t’i dalim përballë dhe t’i jemi në krah atij burri. Protestat nuk kanë një shkak të vetëm është një revoltë kundër qeverisë dhe dalja atje ishte edhe për PD dhe zotin Berisha. Berisha konfirmimin e tij e ka marrë me 11 dhjetor kur thirri kuvendin e jashtëzakonshëm të PD. Gjithë ky presion që ka qqeveria sigurisht që mund të gjejë gjyqtarë të tjerë të papërgjegjshëm, dhe të ndikuar nga presioni qeveritar sepse ato janë bandë dhe banda i bën të gjitha…Shqiptarët kanë problem jo vetëm me drejtësinë. ”, tha Ristani.
Discussion about this post