Ashtu sikurse ishte njoftuar ka nisur në Tiranë “Parada e festës së Pavarësisë”, ku shqiptarë nga trevat anembanë janë mbledhur për të festuar 111 vjetorin e Pavarësisë.
Të pranishmit janë grumbulluar në Bulevardin “Dëshmorët e Kombit” me flamuj dhe simbole kombëtare.
Nuk kanë munguar në paradë edhe këngët e vallet shqiptare, mes të cilave “Mora Fjalë”, e cila është kthyer në një “himn” për shqiptarët kudo ku ndodhen.
Po ashtu nuk kanë munguar as motoristët të cilët po marshojnë në nder të përvjetorit të 111 të Pavarësisë.
Marshimi nisi nga Sheshi “Nënë Tereza, për të vijuar në Bulevardin “Dëshmorët e Kombit”, dhe për t’u përmbyllur në Sheshin Skendërbej.
Rreth 200 grupe artistike do të jenë të pranishëm, arbëreshët po ashtu që përfaqësohen nga 38 komuna grupe vallesh e këngësh.
Pritet që të këtë event të jenë të pranishëm rreth 5 mijë persona. Edhe pse moti nuk është i favorshëm,duket se reshjet e shiut nuk i kanë ndalur qytetarët të bëhen bashkë sot, për të festuar në këtë ditë të rëndësishme në Tiranë.
Discussion about this post