“Më gjej një shkollë me këto standarde”/ Mbyllja e kolegjit turk, Zhupa sfidon ministren Kushi

Deputetja e Partisë Demokratike Ina Zhupa u shpreh sot gjatë seancës së Kuvendit ku ka kërkuar interpelancë me ministren e Arsimit Evis Kushi, se u çudit që kolegji turk u mbyll me një të rënë të lapsit.
” Mbyllën një shkollë dhe një kopsht në shërbim të fëmijëve shqiptarë. Nikolla dhe Rama i kanë dhënë një certifikatë nderi gjimnazit Mehmet Akif. Tani thonë nuk kanë standarde, por çfarë standardesh. Nuk kam parë një gjimnaz publik në vend me standarde të larta se këto të dyja. E sfidoj ministren e Arsimit të më gjejë një kopsht apo gjimnaz që ka standard më këto të dyja që mbyllen. Jam e çuditur se si me një të rënë të lapsit mbyllen një shkollë e kopsht”, tha ajo.