Më gjysmë kilogram kokainë në makinë, policia kap në befasi dy shqiptarët në autostradë

Dy shqiptarë kanë përfunduar pas hekurave pasditen e djeshme, pas një operacioni të policisë italiane. Mësohet se shqiptarët e arrestuar janë të moshave 25 dhe 34 vjeç.

“Operacione të këtij lloji zakonisht shihen vetëm në filma”, shkruajnë mediet italiane.

Në dalje të autostradës në Melide, dy furgona mbërthyen një VË Golf gri në të cilin ushtruan kontroll.

Sa hap e mbyll sytë agjentët zbritën dhe ndaluan dy personat në makinë, i kontrolluan, i prangosën dhe i shoqëruan, siç tregohet në videon e dërguar nga një dëshmitar.

Të arrestuarit nga rojet kufitare janë një 25-vjeçar dhe një 34-vjeçar, të dy shqiptarë dhe të dy banues në Shqipëri. Në bordin e mjetit, gjatë kontrolleve u gjetën mbi 500 gramë kokainë.

Hetimi, i kryer nga prokurorja publike Zaccaria Akbas, fokusohet në hipotezën e një vepre penale të rëndë të Ligjit Federal për Drogat Narkotike.