“Më jep 20 mijë Euro!” I vuri gjobë zyrtarit të Shëndetit Publik, arrestohet gazetari Elio Laze

Policia e Tiranës ka vënë në pranga gazetarin Elio Laze. Mësohet se Laze është arrestuar, pasi akuzohet për gjobëvënie.

Denoncimi në polici është bërë nga Klaus Shaqiri, një zyrtar i shëndetit publik, të cilit i kishte kërkuar 20 mijë euro.

Policia e Tiranës ka vënë në pranga gazetarin Elio Laze. Mësohet se Laze është arrestuar, pasi akuzohet për gjobëvënie.

Denoncimi në polici është bërë nga Klaus Shaqiri, një zyrtar i shëndetit publik, të cilit gazetari Laze i kishte kërkuar 20 mijë euro.

Përmes artikujve të ndryshme në portalin e tij Priza.al Elio Laze e kanoste zyrtarin duke i vënë ‘gjoba’.

Zyrtari Klaus Shaqiri ka bashkëpunuar me autoritetet dhe në momentin e arrestimit, Elio Lazes i është sekuestruar një shumë prej 5 mijë eurosh.

Nga hetimet e kryera nga përmes veprimeve proaktive nga prokuroria e Tiranës të drejtuara nga prokurori Asllan Bajramaj, u bë e mundur arrestimi i Lazes, i cili akuzohet për “Shtrëngim me anë të kanosjes për dhënie pasurie”.

Me 28 Maj 2021, gazetari Elio Laze, është arrestuar nga policia. Gjatë kohës që policia ka ushtruar kontroll në automjetin me të cilin gazetari udhëtonte, në çantën e tij të dorës është gjetur një armë zjarri, e llojit pistoletë, e markës ‘Ekol”, me karikator të vendosur dhe me një fishek luftarak të vendosur në karikatorin e pistoletës.

Gjithashtu gjatë kontrollit në çantën e dorës është gjetur në paketën e cigareve dhe një sasi lëndë narkotike, e dyshuar kanabis sativa.