“Më jep lekët se të vrava”/ 21-vjeçari grabit bashkëmoshatarin në Mat

Një 21-vjeçar ka rënë në pranga  ditën e sotme në Mat, pasi kërcënoi dhe grabiti bashkëmoshatarin  e tij. Bëhet me dije se ngjarja ka ndodhur me 4 gusht, kur shtetasit Rr. Ç., 21 vjeç, banues në Elbasan i ka marrë një shumë të madhe parash  shtetasit K. S., 20 vjeç, banues në Burrel dhe e ka kanosur atë se do t’i shpërndante video personale, në rrjete sociale.

Ky i fundit ka bërë denoncimin në polici dhe pas identifikimit, policia ka nisur menjëherë kërkimet dhe sot kanë bërë të mundur arrestimin  e tij. Ndërsa po merren në pyetje të dy të rinjtë për të zbardhur më shumë detaje.