Dy persona janë grabitur dhe kërcënuar me jete, në orët e vona të mbrëmjes së shkuar në Mitrovicë.
Ngjarja ka ndodhur rreth orës 22:30, ku dy personat kanë rënë preh e grabitësit. Sipas dëshmive të dhëna në komisariat, ata janë përplasur me autorin, ku ky i fundit më pas u ka marrë një zinxhir ari.
Gjithashtu autori i grabitjes, i kërcënoi se do t’i vriste nëse nuk i jepnin 60 mijë euro
Për disa minuta pati dhe përplasje fizike mes tyre, ndërsa autori u largua me shpejtësi e tashmë ndodhet në arrati. Policia ka nisur hetimet në lidhje me rastin në fjalë, ku ka bërë dhe mbledhjen e provave materiale. Nuk dihet ende diçka rreth autorit, por policia po vëzhgon të gjitha skedat e personave të cilët janë me precedentë të mëparshëm vjedhje.
