Me kallash në banesë, arrestohet (Emri)

Një person është vënë në pranga nga policia e Mirditës për armëmbajtje pa leje. Në pranga u vu Gjergj Hila, 62 vjeç.

Sipas policisë, gjatë kontrolli në banesën e tij u gjet një kallash që 62-vjeçari e mbante pa leje.

“Si rezultat i administrimit të informacioneve nga inteligjenca policore, se një shtetas mbante pa leje armë zjarri në banesën e tij në fshatin Shëngjergj, shërbimet e Komisariatit të Policisë Mirditë finalizuan operacionin policor të koduar ‘Zona’. Gjatë operacionit u arrestua në flagrancë Gj.H., 62 vjeç. Nga kontrollet në banesën e këtij shtetasi, Policia gjeti 1 armë zjarri kallashnikov me krehër dhe fishekë në të, që posedoheshin pa leje”, thuhet në njoftimin e bluve.