Policia vijon aksionin për të goditur rastet e trafikimit të lëndëve narkotike, në kuadër të megaoperacionit të koduar “Tempulli”
Në Mirditë dhe Lezhë janë arrestuar tre persona, të cilët shpërndanin kanabis dhe kokainë.
Ndërkohë, gjatë kontrolleve u sekuestruan 4.3 kg lëndë narkotike kanabis dhe një sasi lënde narkotike kokainë.
“Në kuadër të megaoperacionit policor të koduar “Tempulli” janë goditur 2 raste të tjera të veprimtarive kriminale në fushën e narkotikëve, konkretisht:
-Në Mirditë, u arrestuan në flagrancë 46-vjeçari me iniciale Kastriot Çupi, dhe 43-vjeçari me iniciale Paulin Çupi, (kushërinj), të dy banues në fshatin Simon, pasi gjatë kontrollit në një ambient në afërsi të banesave të tyre, janë gjetur dhe sekuestruar në cilësinë e provës materiale, rreth 4.3 kg kanabis.
-Në Lezhë, u arrestua në flagrancë 40-vjeçari me iniciale Skender Malaj, banues në Lezhë, pasi gjatë kontrolleve fizike dhe në automjetin me të cilin qarkullonte, iu gjet dhe iu sekuestrua në cilësinë e provës materiale, një sasi kokainë”, njoftoi policia.
Discussion about this post