Demokrati Ibsen Elezi ka folur për garën që do të zhvillohet nesër në PD, për kryetarin e ri të PD. Ai mendon se asnjë rregull nuk e përjashton Sali Berishën nga gara për kryetar të PD, por as ai vetë nuk ndalet. Elezi i cili do të përballet të dielën në garën me Sali Berishën tha se ata që kërkojnë largimin e Berishës, janë pikërisht ata që sipas tij ish-kryeministri i dhuroi karrierën politike. Ndërsa përmendi këtu Grida Dumën dhe Ervin Salianjin.
“T’i mohosh garën zotit Berisha ti në vetvete ke bërë një gabim parimor, sepse nuk mund të përjashtosh askënd nga gara. Grida Duma dhe i gjithë stafi krah Lulzim Bashës mua më ka mohuar dy gara. Me çfarë të drejte? Sepse nëse të mohoj garën, atëherë zgjidhem vetëm unë.
Gabimi i dytë është që ata thonë që Berisha duhet të ikë sepse se mund dot. Demokracia është të futesh në garë dhe ta mundësh. Nuk ka asnjë rregull që Berisha të përjashtohet nga gara. Por ata nuk i dinë rregullat sepse ia kanë dhuruar karrierën politike. Grida Duma e Ervin Salianjit ia kanë dhuruar karrierën politike, nuk e kanë ndërtuar me shpatullat e veta dhe këtë rrugë njohin”, u shpreh Elezi.
Discussion about this post