Ish-konkurrenti i “Big Brother VIP”, Granit Cana, gjatë një interviste për emisionin “Fan Club”, ka treguar se me kë do të flirtonte nëse Fifi nuk do të ndodhej në shtëpinë më të famshme në Shqipëri.
Graniti, është akuzuar shpesh nga publiku se “përdorte” Fifin dhe luante me ndjenjat e saj, ndërkohë që ai kishte një marrëdhënie me një tjetër vajzë jashtë shtëpisë më të famshme në Shqipëri. Por ai nuk mendon se aty ka luajtur lojë, madje ka hyrë më tepër i sinqertë seç duhet.
Duke folur për marrëdhënien e tij me këngëtaren brenda shtëpisë, Fatma e pyet Granitin nëse nuk do të ishte Fifi, me kë nga vajzat do flirtonte.
Graniti: Me Semin, nëse s’do kishte kisha punën me dashurën jashtë. Kemi ndenjtë më së shumti së bashku dhe në pamje sigurisht dhe tipin. Semi, Arjola, Sheila kanë provokuar me mua. Ka qenë shkaku për me arrit qëllimin me u ndje Fifi keq. Por gjithsesi zemra ishte jashtë!
Rikujtojmë se, një dyshe që në fillim nuk i patën punët fare mirë ishte Fifi dhe Semi. Fillimisht vajzat nisën “konfliktin” mes tyre pas xhelozisë që Fifi tregonte ndaj Semit për shkak të Granitit. Një debat shumë i madh mes tyre ndodhi dhe kur Fifi “vërdallisej” nëpër shtëpi me shkop në dorë dhe Semi u ndje e frikësuar nga veprimet e saj. Pas kësaj, gjërat mes tyre duket se janë përmirësuar dhe dyshja ka filluar të qëndrojnë me njëra-tjetrën.
Discussion about this post