“Më ke thënë a dëshiron me t’bo masazh”, studentja ballafaqohet me profesorin që akuzohet për ngacmim/ VIDEO

Rreth 27 student kanë akuzuar profesorin e Fakutetit të Prishtinës, Xhevat Krasniqi për ngacmim seksual.

Ditën e sotme ata kanë protestuar në sallën ku ishte paraparë të mbahet mbledhja e Këshillit të Etikës të Universitetit të Prishtinë, ku një studente u ballafaqua direkt me profesorin, moment që është bërë viral në mediat sociale/

“Më ke thënë a dëshiron me t’bo masazh, pranoje që edhe nga universitetet tjera je larguar për ngacmim seksual… pranoje kush je. Jam tut para një viti, sot nuk tutna”, u shpreh studentja me lotë në sy, gjatë ballafaqimit me profesorin Krasniqi.

Pas kësaj deklarate të studentes, profesori dëgjohet duke bërë një telefonatë, ku tregon se i është bllokuar dalja nga Administrata Qendrore e UP-së.