Dinamo është rikthyer në Kategorinë Superiore pas 9 vitesh mungesë dhe vuajtjesh në kategoritë inferiore të futbollit në vendin tonë.
18 herë kampionët e Superligës dhe njëkohësisht 15 herë kampionët e Kupës së Shqipërisë kanë paralajmëruar rikthimin e frikshëm për kundërshtarët e tyre.
Më 12 shtator ‘Blutë’ do luajnë ndeshjen e tyre të parë në elitën e futbollit shqiptar, pas një mungese shumë të gjatë ku përballë do kenë klubin e Kastriotit.
Megjithatë ditën e sotme përmes një postimi në rrjetet sociale, ‘Nëndetësja Blu’ ka publikuar një video, që paralajmëron rikthimin e fuqishëm të tyre.
“Gjeje kush është rikthyer, 12 Shtator ”-shkruhet në postimin krah videos së Dinamos, në të cilën bie në sy se janë përdorur fragmente nga seriali aksion ‘La casa de Papel’./Gijotina.com
