Detaje të reja janë zbuluar në lidhje me ngjarjen e rënde që u shënua mbrëmjen e së mërkurës në ambientet e Komisariatit nr 3 në Tiranë. Viktima Lear Kurti dyshohet se ishte përdorues i lëndëve narkotike dhe vuante nga sëmundje të epilepsisë.
Bashkë me viktimën është shoqëruar dhe shoku i tij, i identifikuar si Zyhdi Spahiu. Ky i fundit është kapur i dehur në mjetin e tij. Spahiu është lënë i lirë, por është shoqëruar me gjobë për shkak të dozës së alkoolit.
Dyshohet se viktima dhe shoku i tij fillimisht kanë qenë bashkë, por më pas janë ndarë kur është afruar policia. Lear Kurti rezulton me 3 precedentë penale, vjedhje dhe droge.
Në momentin kur është shoqëruar në ambientet e Komisariatit, Kurti ka filluar të shfaqë probleme shëndetësore. Menjëherë është lajmëruar ambulanca, por për shkak se është vonuar, efektivët e kanë dërguar me makinën e policisë me urgjencë në spital, ku ka mbërritur pa shenja jete.
Discussion about this post